Vlora, deti dhe Fatos Arapi

Kultura

Vlora, deti dhe Fatos Arapi

Nga: Albert Habazaj Më: 3 prill 2024 Në ora: 12:44
Albert Habazaj

Ta dish' ti, det i bukur i Vlorës

Kë freskon vlorërisht këtë mbremje

Shëndet do të bëheshe për poetët,

Do të shteroje deri në çmendje!...

Nga Pogradeci e Saranda t'erdhën, o det,

Nga Kalabria, Gjirokastra, Fieri, Gjakova …,

Hemisferë floriri çdo poet,

Mjalt nga fjal' e tyre për ty zgjodha.

Ti i pret mysafirët si Perëndi,

Ne kthejmë krikllat e freskëta të birrës,

I mbushin përsëri në valët e tua,

Në tufë pulëbardhash të gëzuara.

Pijmë birrë e valë, e këngë e zjarr,

E gurgullullojmë si rruaza xhevahiri,

Vargjet për ty burojnë ujëvarë,

I vemë kurorë një gjethe ulliri.

Krijojmë e ndezim diellin si Fatos Arapi,

Si zogj furtune në buzë të detit,

S'është gjë takimi i mbretit me mbretin

Para takimit të poetit me poetin!

commentFirst article
Sot mund të lexoni Shfletoni kopertinat