Presidenti serb Aleksandar Vuçiq ka deklaruar se në periudhën e ardhshme do të pasojë “mashtrimi” i perëndimit në lidhje me Kosovën.
“Do të shihni një “truk” të cilin do ta paraqesin disa nga perëndimi e që është “kthehuni dhe bisedoni normalisht, ne kemi arrestuar 40 serbë, i kërcënojmë pak se do të vazhdojmë t’i arrestojmë, por de-eskalimi është kur tërhiqen 25 për qind e diçkaje.
Askush nuk e di se çfarë do të thotë kjo, por ata po kërkojnë arsye të mjaftueshme për të fajësuar Serbinë, sepse duhet të mbrojnë “beben” e tyre”, ka pretenduar Vuçiq
Ai ka thënë se i ka dërguar një kërkesë zyrtare Sekretarit të Përgjithshëm të NATO-s, Jens Stoltenberg për takim dhe se pret që takimi me të të mbahet në ditët në vijim.
