Një ngjarje e rëndë ka ndodhur të dielën në familjen Kamenica nga fshati Mirash i Ferizajt. Në shtëpinë e tyre, në rrugën “Rexhep Demiri, djali 42-vjeçar vdiq tragjikisht pasi dyshohet se ka bërë vetëvrasje. Kjo ngjarje ka tronditur jashtëzakonisht shumë familjen e tij, teksa tashmë kanë nisur hetimet për ta zbuluar motivin që e shtynë t’i jap fund jetës.
Burimet brenda Emergjencës kanë bërë me dije se bëhet fjalë për Ismet Kamenicën, vdekjen e të cilit e ka konfirmuar ekipi mjekësor që ka dalë në vendin e ngjarjes, ku pas ekzaminimeve për shenjat vitale, është konstatuar se 42-vjeçari ishte pa shenja jete.
Për motive akoma të panjohura, Kamenica i ka dhënë fund jetës duke u varur në shtëpinë e tij dhe fatkeqësisht nuk arriti të shpëtojë, përkundër që mjekët intervenuan dhe tentuan për t’ia dhënë ndihmën e parë.
Në vendin e ngjarjes janë kryer të gjitha ekzaminimet e nevojshme nga ana e njësive policore, teksa trupi i pajetë është tërhequr për t’u dërguar në Institutin e Mjekësisë Ligjore për obduksion.
Prokurori i Shtetit ka urdhëruar nisjen e hetimeve dhe zbardhjen e rrethanave në të cilat ka humbur jetën 42-vjeçari.
Për vdekjen e tij kanë njoftuar edhe miqtë e familjarët përmes rrjetit social “Facebook”, të cilët u shprehën të pikëlluar për lajmin që morën.
