​U dyshua për një trup të pajetë në Dardani, Policia tregon se çka po ndodh në të vërtetë

Policia e Kosovës ka konfirmuar për KosovaPress se në rrugën “Ilaz Kodra” në lagjen “Dardania” në Prishtinë, janë duke u realizuar disa xhirime.

“Është një inskenim për një film, skenari i të cilit është aprovuar nga menaxhmenti i Policisë së Kosovës. Xhirimet po bëhen në rrugën Ilaz Kodra në Prishtinë”, ka thënë Flora Ahmeti, zëdhënëse për media në Policinë e Kosovë, Qendra në Prishtinë.

Kujtojmë se më herët u dyshua për një trup pa shenja jete në vendin në fjalë, por që tani Policia e Kosovës sqaroi se e gjitha kjo është një inskenim filmi.

Në lagjen “Dardania” në Prishtinë dyshohet për një trup pa shenja jete.

Në një fotografi shihen disa vetura të policisë në vendin e ngjarjes dhe një trup i pajetë i mbuluar.

Për rrethanat se si ka ndodhur ngjarja në fjalë akoma nuk është dhënë ndonjë detaj.

Gazeta është duke kontaktuar me Policinë e Kosovës, dhe do t’iu mbajë të informuar.