Huduti thotë se me mosshërbim gjatë Ramazanit preken të drejtat e konsumatorit
Islamologia Igballe Huduti thotë se në raste kur dikujt nuk i shërben ushqim nëpër restorante në Ramzan, preken të drejtat e konsumatorit.
Ajo në këtë linjë në emisionin “Kosova Today”, ka thënë se Kosova është shtet laik sipas Kushtetutës.
“Jemi mbi 95 përqind myslimanë, por jo të gjithë janë fetarë. Mosshërbimi është gjë e shëmtuar”, ka thënë ajo duke komentuar ankesën e Alfred Pjetrit, drejtor i Caritas Kosovës i cili është ankuar se nuk ka pranuar shërbim në një restorant në Ferizaj.
“Duhet ta kemi parasysh që ka njerëz që nuk agjërojnë. Ka të krishterë, ateistë, agnostikë. Nuk është bërë mirë. Duhet të konsultohen ligjet dhe të gjendet një e përbashkët”.
