Shpesh herë stresi i punës, faturat, detyrimet, rritja e fëmijëve dhe një sërë përgjegjësish të tjera prekin mjaft çifte dhe marrëdhënien e tyre. Shumë herë, kur jeta e përditshme u merr gjithë energjinë, është një pasojë e natyrshme të humbasim pasionin dhe spontanitetin.
Përpos problemeve dhe stresit që çiftet kalojnë, studiuesit këshillojnë një sërë mënyrash për të mbajtur “gjallë” pasonin mes çiftit.
Shprehni mirënjohje për partnerët
Sipas një studimi të mëparshëm, çiftet që shprehin mirënjohje raportojnë nivele më të larta jo vetëm të kënaqësisë në marrëdhënie, por edhe në seks. Është e shëndetshme të shprehni shqetësimet tuaja ose gjërat që ju shqetësojnë, përderisa ato bëhen pa gjykime dhe komente negative. Kur njëri partner ndihet i sulmuar, atëherë vlerësimi dhe në fund magjia humbet.
Çelësi për të parandaluar këtë negativitet është të shprehni hapur mirënjohjen tuaj ndaj të afërmit tuaj të rëndësishëm për diçka që ka bërë, nga mëngjesi që ju kanë bërë deri te dollapi që pastruan. Kur ndjejmë se veprimet tona njihen, kjo krijon besim dhe intimitet emocional.
Zhvillimi personal
Sa i rëndësishëm është lidhja dhe zhvillimi i përbashkët, po aq i rëndësishëm është edhe zhvillimi individual i secilit anëtar të marrëdhënies. Provat e hulumtimit kanë arritur në përfundimin se për anëtarët e çifteve që ndjekin “dëshirat” e tyre dhe rriten si entitete, qoftë zhvillim profesional apo thjesht një aftësi apo hobi i ri, ndjenjat e eksitimit kthehen në marrëdhënie. Kjo sepse njerëzit në një marrëdhënie të lumtur mund të balancojnë sigurinë e marrëdhënies me aventura të reja.
Jepini përparësi intimitetit seksual
Edhe pse seksi nuk do të rregullojë një marrëdhënie të prishur, ai është një prioritet në një marrëdhënie të shëndetshme. Sipas hulumtimeve të mëparshme, kënaqësia seksuale dhe kënaqësia në marrëdhënie janë shumë të ndërlidhura. Në fund të fundit, seksi funksionon edhe si një kod komunikimi për t’u lidhur me partnerët tanë, ndërkohë që ofron edhe shumë përfitime shëndetësore, si lehtësimin e stresit.
Në fakt, çiftet që bëjnë seks një herë në javë ose më shpesh raportojnë jo vetëm kënaqësi më të madhe me marrëdhënien e tyre, krahasuar me çiftet që bëjnë më pak seks, por gjithashtu fokusohen më shumë në karakteristikat pozitive të partnerëve të tyre.
Një studim i ndryshëm që shqyrtoi çiftet më të kënaqura seksualisht gjeti modele specifike, të tilla si planifikimi i kontakteve të tyre seksuale, por edhe një përpjekje e përbashkët për të krijuar një atmosferë të këndshme që do të promovonte aktin e seksit, si muzikë e butë ose qirinj.
Përveç kësaj, këta çifte mbeten të hapur për të provuar gjëra të reja në marrëdhënie, si për shembull një pozicion tjetër.
