Tom Jones thyen rekordin e Bob Dylan.
Tom Jones bëhet mashkulli më i moshuar që ka një album Nr.1 në tabelat e Mbretërisë së Bashkuar, duke e kaluar Bob Dylan, i cili ishte në krye të tabelës në moshën 79 vjeçare.
Tom Jones dje theu një rekord të vendosur nga Bob Dylan duke u bërë mashkulli më i moshuar në krye të tabelave të albumeve në Mbretërinë e Bashkuar.
Albumi i tij i ri “Surrounded By Time” u rendit i pari në listën zyrtare të albumeve në Mbretërinë e Bashkuar.
Tani 80 vjeç e dhjetë muaj, ylli veteran ka tejkaluar arritjet e kantautorit Dylan në kryesimin e të njëjtës listë në 79 vjeç qershorin e kaluar me albumin e tij “Rough And Rowdy Ways”.
E ndjera, Dame Vera Lynn mban rekordin e përgjithshëm me koleksionin e saj më të mirë të hiteve “We’ll Meet Again – The Very Best Of”, e cila arriti vendin e parë më 2009 kur ajo ishte 92 vjeçe.
“Surrounded By Time” është albumi i katërt numër një i Tom dhe i pari i tij që nga 1999 “Reload”.
Ai tha dje: ‘Të mbash këtë rekord të tabelës në Mbretërinë e Bashkuar është e jashtëzakonshme – thjesht e pabesueshme”.
“Është e mrekullueshme që publiku më ka lejuar të shprehem me muzikën në kohën time të jetës dhe të tregoj mbështetjen e tyre”, përfundoi artisti.
