Cristiano Ronaldo dhe Georgina Rodríguez po kalojnë një nga momentet më të këqija në nivel emocional. Çifti u përball me humbjen e njërit prej fëmijëve të tyre në lindje. Që atëherë kanë kaluar tre muaj dhe Georgina nuk është shfaqur shumë në rrjetet sociale. Ndërkohë që vetë është treguar e rezervuar, paparacët janë kujdesur që ajo të dalë në faqet e para të mediave online, e fotografuar me bikini gjatë pushimeve familjare.
Në artikujt e shkruar për këto fotografi, komentohej trupi i Georgina Rodríguez dhe kilogramët e saj. E gjithë kjo pasi lindi binjakë tre muaj më parë dhe ende nuk e ka marrë veten nga humbja e fëmijës.
Askush nuk e mendonte se vetë Georgina do të shprehej, por ajo ka reaguar së fundmi duke shpërndarë një fragment të një artikulli nga Glamour, me të cilin ajo ndihet e identifikuar:
“…As shikimi i saj ndonjëherë melankolik, as historia e saj, as periudha e zisë, e vetmja gjë që konsiderohet si një grep për të tërhequr lexuesit është një figurë femërore pas një procesi transformues po aq radikal sa ai i shtatzënisë dhe që, me këtë rast, lidhet pashmangshmërisht me një emocion aq shkatërrues sa humbja e një fëmije”.
Në prill të këtij viti, Ronaldo dhe Georgina dhanë lajmin se ishin bërë prindër të një vajze, Bella Esmeralda, ndërsa binjaku i saj nuk ia doli të mbijetonte.
