Kush do ta besonte se Kim Kardashian ka një tatuazh sekret!
Edhe pse dikur ajo i barazonte tatuazhet me vendosjen e një "ngjitëse në një Bentley", Kim zbuloi gjatë episodit të fundit të 'The Kardashians' se ajo bëri një tatuazh fshehurazi në një vend që nuk duket.
Gjatë një bisede me stilistin e saj të flokëve Chris Appleton, ajo tregoi shenjën e infinitit të skalitur në buzën e saj të poshtme, të cilën e ka bërë pas debutimit të saj në 'Saturday Night Live' në tetor 2021.
"Diçka që nuk e dini për mua, është se unë dhe të gjithë miqtë e mi kemi bërë tatuazhe të njëjta dhe të gjithë i kanë bërë ato në duar dhe unë kam thënë: "Nuk ka asnjë shans që të bëj një tatuazh".
Pamjet nga prapaskenat treguan Kim-in teksa bënte tatuazhin e saj ndërsa ishte e rrethuar nga disa miq të saj, si dhe motra Khloe Kardashian.
Ndërsa ajo me shaka tha, "Më në fund vendosa një ngjitëse në një Bentley."
Po për çfarë arsye ndryshoi qëndrim? "Kështu festohet SNL. Me një tatuazh të vogël në orën 4:30 të mëngjesit."
Megjithatë, ajo pranoi se ka bërë shumë mirë për zgjedhjen e vendit të tatuazhit.
"Askush nuk e di, askush nuk e sheh, unë harroj”, ka rrëfyer ajo. "Por herë pas here, kur laj dhëmbët me fije dhëmbësh e shoh të zezën dhe mendoj: "Çfarë është kjo gjë e zezë?"
