Gjatë këtyre ditëve ka marrë vëmendje një deklaratë e grimerit shqiptar, Dario Doka.
Ai publikoi në Instagram një postim, ku hodhi akuza të mëdha kundrejt prezantuesit Meriton Mjekiqi.
“Shpifës, injorant, burracak. Harron Meritoni që shkruante për katërshe në hotel, dhe pasi nuk pranova më bëri bllok…ahh që s’jam aty t’ia plas njëherë fytyrës ordiner”, ishte postimi i bërë në InstaStory.
I njëjti ka qenë në një lidhje telefonike në ‘Fan Club’, teksa ka folur rreth këtij postimi.
“Unë gjërat që them nuk i them për vëmendje, janë të vërteta dhe unë mbaj përgjegjësi për gjërat që them. Ka 5-6 vite që ka ndodhur, nuk po e akuzoj, po them që ka ndodhur, kam folur në kamer me të, por dhe të kisha mesazhe nuk kam pse i nxjerr se janë private”, u shpreh ai.
Dario në vazhdim theksoi: “Nuk pranova të takohem se nuk jam tip që bëj nga këto gjëra dhe më bëri bllok menjëherë pasi refuzova. Jam gati të përballem me të nëse ai e kërkon”.
Stresi i ftuar në studio gjithashtu bëri një koment për këtë deklaratë të artistit.
“E besoj atë që ka thënë Dario, nuk e njoh fare këtë djalin por nuk del njeri të thotë deklarata të tilla kot”, u përgjigj rap-artisti.
