Maturantët në të gjithë vendin janë duke zhvilluar testin e dytë të Maturës Shtetërore, atë të Gjuhës Shqipe dhe Letërsisë.
Edhe pse ende nuk është mbyllur procesi i testimit të dijeve të tyre, provimi është publikuar i plotë në mediat sociale.
Qytetarë të ndryshëm kanë publikuar testin edhe pse një gjë e tillë nuk është e lejuar. Lidhur me këtë ka reaguar dhe zyrtari i PD, Ndriçim Mehmeti, i cili shkruan se dalja e testit është bërë për shkak të paaftësisë së Ministrisë së Arsimit për të organizuar si duhet procesi i Maturës Shtetërore.
Kjo nuk është hera e parë që testi i Maturës publikohet, pasi edhe vitet e shkuara ka ndodhur e njëjta gjë.
