Kreu i Partisë Demokratike, Lulzim Basha ka zhvilluar një takim me ambasadorin e Japonisë në Shqipëri Takada Mitsuyuki.
Kryedemokrati thotë se Japonia ndër vite e ka ndihmuar Shqipërinë në sektorë të ndryshëm, ndërsa shton se Partia Demokratike do të mbështesë bashkëpunimin ekonomik në mënyrë të veçantë në investimet japoneze.
“Sot pata kënaqësinë të mirëpres Ambasadorin e Japonisë në Shqipëri, z. Takada Mitsuyuki. I shpreha mirënjohjen për ndihmën që Japonia bujarisht ka ofruar ndër vite në sektorë të ndryshëm të ekonomisë dhe infrastrukturës.
@pdshqiperi do të vazhdojë të mbështesë bashkëpunimin ekonomik me theks të veçantë në investimet japoneze dhe turizmin”, shprehet Basha.
