Një 36-vjeçar me precedentë të mëparshëm kriminal në fushën e armëmbajtjes pa leje, të vjedhjes dhe të kultivimit të bimëve narkotike ra në prangat e Policisë së Lezhës.
Burimet policiore thanë se i arrestuari është shtetasi Ritvan Keqi.
“Ky shtetas dyshohet se mbrëmjen e datës 26.06.2021, ka vjedhur automjetin tip “Benz” ,në pronësi të shtetasit J.V , banues në Kurbin, i cili u gjet dhe u sekuestrua në cilësinë e provës materiale”.
Materialet i kaluan Prokurorisë së Rrethit Gjyqësor Lezhë dhe Kurbin për veprime të mëtejshme, për veprat penale “Kultivimi i bimëve narkotike” dhe “Vjedhja “.
