Dy aksidente të njëpasnjëshme kanë ndodhur pasditen e sotme brenda pak minutash në Elbasan.
Gazetari Enes Memolla raporton se një automjet ka përplasur një këmbësor në zonën e Poliklinikës. Ai ka pësuar dëmtime dhe është dërguar në spital për të marrë ndihmën e parë mjekësore.
Ndërkohë policia ka bërë të mundur shoqërimin e shoferit të automjetit.
Ndërkohë aksidenti tjetër është regjistruar në zonën e Zaranikës ku një mjet ka përplasur një motoçikletë. Drejtuesi i kësaj të fundit është dërguar me urgjencë në spital.
Nga sa mësohet të dy personat e aksidentuar janë jashtë rrezikut për jetën.
