Grupi Parlamentar i Partisë Socialiste u mblodh këtë të hënë.
Gazetari Muhamed Veliu raporton se ishte një mbledhje me doza të forta kritike nga kryesocialisti Edi Rama për deputetët e Grupit të tij Parlamentar.
Ai ka kërkuar një pjesëmarrje 100% në dy seancat e ardhshme të parlamentit të mbetura për këtë vit, pasi sipas tij janë çështje të rëndësishme për t’u diskutuar dhe miratuar.
Këtë të enjte, do të diskutohen ndryshime për sa i përket ashpërsimit të masave ndëshkuese për ata deputetë që krijojnë kaos, duke përdorur flakadanë e kapsollë. Po ashtu, është edhe projektligj për amnistinë, i cili kërkon 84 vota, të cilat socialistët nuk i kanë.
