4 të rinjtë nga Kalaja e Dodës së bashku me dy policët e kufirit dhe grupi i kërkim shpëtimit malor të Kosovës, që bënë të mundur shpëtimin e dy turistëve zviceran të cilët në 21 janar u bllokuan nga orteku në malin e Korabit, janë nderuar me certifikata mirënjohje nga Bashkia e Dibrës.
Policët Ramadan Përzhilla, Tefik Istrefi, si dhe banorët Pëllumb Lamallari, Korab Visha, Alfred Lita, dhe Zekri Brika, sfiduan temperaturat -25 gradë në bjeshkët e korabit për të shpëtuar turistët.
Për këtë veprim ata sot kanë mirënjohjen e të gjithëve.
Të gjithë së bashku me grupin e Kërkim Shpëtimit Malor të Kosovës, iu përgjigjën thirrjes për ndihmë dhe reaguan në kohë rekord duke u ardhur në ndihmë çiftit zviceran.