Gjatë një aktiviteti dje në Shkodër ministri i Shëndetësisë Ilir Beqaj zor se u kuptua për fjalët që tha. Ai thuajse fliste përçart, çka nuk i shpëtoi edhe syrit të ish-kryeministrit Sali Berisha.
“Beqja i bere tape apo kur u ndane kaq i dhane?! Gjejeni vet!”, shkruante deputeti demokrat në Facebook ku shpërndau edhe videon nga takimi.
Por sot, kur në mediat shqiptare kanë shpërthyer lajmet për shkarkimin e ministrit të Brendshëm Saimir Tahiri dhe ndryshime të tjera surprizë që pritet të ndodhin në qeveri, ish-këshilltari i Fatos Nanos, Ylli Dylgjeri, shkruan në Facebook: “Tani e kuptova pse Bejqja fliste përçart dje në Shkodër...”
Kujtojmë se Ilir Beqaj është zgjedhur nga kryeministri Rama si koordinator i fushatës së PS-së në Kukës, e sic përflitet nga burime konfidenciale, ministrat e tjerë që do të shkarkohen janë pikërisht ata që kanë lidhje me fushatën, për të pasur kështu angazhim sa më të madh për Partisë Socialiste në prag zgjedhjesh.
