Josko Gvardiol iu bashkua Manchester Cityt nga skuadra gjermane e Bundesligës RB Leipzig, njoftoi të shtunën klubi anglez i Premierligës. Mbrojtësi kroat nënshkroi një marrëveshje pesëvjeçare me Citizens, thuhet në një deklaratë të klubit.
“Gjithmonë kam ëndërruar që një ditë të luaj në Angli dhe ta bëj këtë tani me Manchester Cityn – pas sezonit që sapo kanë pasur – është një nder i vërtetë për mua”, tha 21-vjeçari. "Të bashkohem me Cityn është diçka shumë e veçantë për mua dhe familjen time.
Të kem mundësinë të punoj me Pep Guardiolën gjithashtu, do të jetë e mrekullueshme," shtoi ai. Txiki Begiristain, drejtori i futbollit të Manchester City, tha: "Jemi shumë të lumtur që sjellim Joskon në Manchester City./AA/
Josko ka kaq shumë vlera. Ai është i shpejtë, konkurrues, luftarak, mbresëlënës në zotërimin e topit, me besim të fortë në vetvete dhe një karakter të mirë." Gvardiol, i cili iu bashkua Leipzig nga Dinamo Zagreb në vitin 2021, shënoi pesë gola dhe bëri tre asistime në 87 paraqitje për të fituar dy Kupa të Gjermanisë radhazi me ta në 2022 dhe 2023.
