Policia e Vlorës ka identifikuar se cilët ishin pronarët e dy mjeteve që u dogjën gjatë natës në Vlorë, në orën 4:05 në lagjen "Lef Sallata".
Policia tha se në një parkim në anë të rrugës ka marrë flakë automjeti tip "Volkswagen" në pronësi të një kompanie transporti, por nën përdorimin e një shtetaseje, i cili është djegur plotësisht.
Si rezultat i flakëve është djegur edhe një mjet tjetër ngjitur me të tip "Renault" në pronësi të shtetasit V.M, i cili është dëmtuar pjesërisht.
Po kryhen hetimet për përcaktimim e shkakut të rënies së zjarrit.
