Volejbollisti i KV Peja, Bardhyl Hajdaraj, ka hedhur disa akuza në drejtim të bordit të dorëhequr të Federatës së Volejbollit të Kosovës. “Pak a shumë është një gjendje e tillë. Bordi është vetdorëhequr me të gjithë anëtarët ata po kërkojnë shkarkimin e kryetarit, gjë që pa 2/3 e votave nuk mund të ndodhë. Të martën e kaluar në takimin e organizuar të kryetarit në hotel ‘Emerald’ dhe me pjesëmarrjen e të gjithë delegatëve është zgjedhur një bord i përkohshëm nga 5 anëtarë që të kryej punët formalisht deri në zgjedhjet e rregullta për kryetar të federatës.
Shpresoj që të ndodh diçka e mirë në volejbollin tonë, përndryshe me sjelljen e bordit të dorëhequr edhe me etiken e tyre të treguar në atë mbledhje mu me ka bë me filluar me menduar thellë, me vazhduar a me braktisë këtë sport. Janë kyq në volejboll që 2 vite dhe mundohen të jenë faktorë disa - disa e një ndër ta është Kristina anëtare e bordit që as mbiemrin nuk ia di, që me sjelljen e saj jo etike me ka bërë të çuditem. Federata ka nevojë për njerëz që e dinë e dojnë dhe e çmojnë volejbollin e jo njerëz që për interes personal mundohen të shtinë hundët në federatë dhe të prishin edhe gjërat që po ndërtohen dita ditës", tha Hajdaraj për gazetën kombëtare "Bota sot".