Kryeministri i Republikës së Kosovës, Ramush Haradinaj, ka thënë se lajmi për vdekjen e e Jonuz Musliut e ka pranuar me shumë dhimbje, duke thënë se Musliu ka qenë një njeri i përkushtuar për të drejtën e çështjes së shqiptareve në pjesën e Luginës së Preshevës.
“Me dhembje mora lajmin për shuarjen e luftëtarit të lirisë, ish komandant i UÇMPB-së dhe Kryetar i Këshillit Nacional të Shqiptarëve në Luginë të Preshevës, Jonuz Musliu.
Musliu, një jetë njeriu i është përkushtuar zgjidhjes së drejtë të çështjes së shqiptarëve në Luginë, luftëtar i paepur i të drejtave të njeriut, mik dhe familjar i mirë, do t’i mungojë familjes së tij, dhe komunitetit.I qoftë i lehtë dheu! RH “, ka shkruar Haradinaj.
