Prodhuesi japonez i veturave ka prezantuar për publikun vendës konceptet e limuzinave sportive Vision Coupe dhe Kai me pesë dyer, të cilat paralajmërojnë dizajnin e gjeneratës së ardhshme të Mazda 3.
Mazda në auto-sallonin e Tokios që ka nisur sot, ka paraqitur dy koncepte me dizajnin e modernizuar Kodo.
Koncepti i parë Vision Coupe ka imazh sportiv. Prodhuesi nuk ka dhënë detaje për sistemin motorik, por shumë adhurues të Mazdës sportive do të dëshironin që në automobil serish të shohin motorin e njohur rotacion.
Tash për tash nuk ka deklarata zyrtare se kur ky model mund të shndërrohet në model serik.
Kai Concept ka pesë dyer dhe është në formën e dizajnit Kodo, por modeli serik pritet të ketë pamje konvencionale.
Brendia është e formësuar sipas stilit të ngjashëm me konceptin luksoz Vision Coupe, me tabelë klasike të instrumentit.
