Talenti i futbollit, Erjon Krasniqi nga sot do të vazhdojë karrierën e futbollit si profesionist.
Ai ka firmosur kontratë profesionale me klubin nga Lipjani, Ulpiana.
Lipjanasit vazhdojnë të konsolidojnë ekipin për edicionin e ri në Ligën e Parë me objektivat për t’u rikthyer në Superligë.
Duket se me ardhjet e reja do të sillet edhe fryma e re të skuadra, që nuk ia doli të mbijetojë në elitë edicionin e fundit.
Më posht e gjeni njoftimin zyrtar nga klubi i Ulpianës:
“KF ULPIANA ka arritur marrëveshje me talentin Erjon Krasniqi
Në ambientet e klubit Presidenti i KF ULPIANA, Jeton Gashi dhe futbollisti Erjon Krasniqi kanë firmosur kontratë dy vjeçare me mundësi vazhdimi.
Kryetari Gashi i dëshirojë mirëseardhje lojtarit Krasniqi ku njëkohësisht i uroj suksese dhe potencoi se ky lojtar do të jetë ndër futbollistët më cilësor në vend dhe rajon në të ardhmen e afërt, pasi që është lojtarë i shkolluar që nga mosha 5 vjeqare dhe ka teknikë të jashtëzakonshme”, ka shkruar KF Ulpiana.
