Neymar duket si një mallkim kur luan për Brazilin. Ai u demtua ne çerekfinalen e Botërorit 2014 në shtëpi për shkak të ndërhyrjes së Zuniga-s që e detyroi të largohej nga fusha në ndeshjen kundër Kolumbisë, duke shmangur kështu pjesëmarrjen në gjysmëfinalen dramatike kundër Gjermanisë.
Më pas ai humbi edicionin fitues të Copa America 2019, sërish për shkak të një dëmtimi. Tani është radha e Katarit 2022. Problemi i kyçit të këmbës i zgjidhur në debutimin e tij kundër Serbisë e vë në dyshim të ardhmen e tij botërore.
Babai, da Silva Santos, foli për radion britanike TalkSport për Kupën e Botës të djalit të tij, duke frikësuar tifozët e Brazilit: “Unë mendoj se Neymar do të kthehet në fushë për finalen dhe do të bëjë çmos për të ndihmuar shokët e tij të fitojnë kompeticionin.
Gjëja më e rëndësishme është që ai të mund të kthehet në fushë në nivelin e tij maksimal. Të gjithë e dinë që djali im ka një ndikim të madh në grup. Ai është numri një. Pele? Ai është lojtari më ikonë në botë, të gjithë e duan atë. Djali im shpreson që të bëhet mirë dhe i uron më të mirat”.
Pas dëmtimit të Neymar, për trajnerin Tite kishte shpresa: “Unë mendoj se Neymar dhe Danilo do të vazhdojnë të luajnë në këtë Kupë Bote. Ky është mendimi im, nuk mund të hyj në çështje mjekësore që nuk janë në kompetencën time.
Neymar pësoi më shumë faulle se kushdo tjetër në raundin e parë të Kupës së Botës, ai luajti i dëmtuar për disa minuta dhe ne nuk e kuptuam këtë. Në çdo rast, ne besojmë se ai mund të kthehet të luajë këtu në Katar”,- u shpreh Tite.
