Arbnor Muja e shkroi mbrëmë emrin e tij në histori të futbollit.
Ylli ynë pati një arritje të dyfishtë, ndonëse ekipi i tij Royal Antwerp F.C. u mposht nga Shakhtar Donetsk.
Përfaqësuesi i ri shqiptar në fakt e shënoi golin e parë në histori të klubit belg në Ligën e Kampionëve.
Gjithashtu, ish-futbollisti i Dritës e shënoi edhe golin e tij të parë personal në Champions, në paraqitjen e tij të dytë në fazën e grupeve pas asaj ndaj Barcelonës.
“Goli i parë ndonjëherë në Ligën e Kampionëve për Royal Antwerp F.C. Historia u shkrua”, ka shkruar futbollisti ofanziv në Facebook.
24 vjeçari është duke e kaluar një moment magjik të karrierës.
Ai debutoi edhe me Kombëtaren shqiptare pasi Kosova e injoroi duke mos e ftuar fare.
