Edon Zhegrova po zhvillon një sezon mjaftë pozitiv me Lillen në Ligue 1, duke u kthyer në njërin prej lojtarëve më të mirë në kampionat.
Ai ka qenë i ftuar në podcastin “Rruga e Re” që drejtohet nga kreu i LDK-së, Lumir Abdixhiku, ku ka folur për fillimet karrierës, por edhe për ofertat.
Zhegrova ka treguar se si e kishte habitur menaxherin Arbër Shaqirin dhe babin e tij kur kishte refuzuar ofertat e Napolit dhe Atalantas sa ishte pjesë e Basel.
“Kemi qenë në një restaurant me babin dhe menaxherin tim, Arbrin.
Edhe më thotë Arbri, ki ofertë prej Napolit dhe Atalantas.
I kam pas dy ofertat në tavolinë. Unë i kam thënë që dua të qëndroj në Basel. Nuk dua të shkoj në Napoli e Atalanta”.
“Edhe më kanë shikuar këta dy të befasuar. Menaxheri më tha që nuk më ka ndodh asnjëherë që lojtari t’i refuzoj dy ekipe të mëdha.
Nuk e ndjeva që është momenti i duhur që të shkoja”, ka thënë Zhegrova.
