Falë fitores së tretë radhazi në Premier League, derbit ndaj Fulhamit të zgjidhur me golin e Cole Palmer me penallti, Chelsea vazhdon ngjitjen e vështirë drejt zonës europiane.
Suksesi mbi Cottagers largoi retë që ishin mbledhur sërish mbi stolin e Mauricio Pochettino pas humbjes në ndeshjen e parë gjysmëfinale të Kupës së Ligës kundër klubit të Championshipit Middlesbrough, por klubi është gati për t’u rikthyer në merkato në pjesën e dytë të sezonit.
Objektivi, siç raporton Sun, është i fokusuar mbi të gjitha te sulmi. Pesë lojtarë ndiqen nga klubi, por jo të gjithë mund të merren në janar.
Në listë janë edhe dy nga qendërsulmuesit më të mirë në Serinë A, pikërisht Victor Osimhen dhe Dusan Vlahovic.
Megjithatë, është e pamundur të mendohet se Napoli dhe Juventus do të privojnë veten nga numrat 9 në një moment kaq delikat të sezonit, dhe jo vetëm sepse nigeriani është i freskët nga rinovimi i kontratës së tij, megjithëse të dy janë ndjekur nga blutë prej disa kohësh.
Emrat e tjerë janë më të arritshëm. Duke nisur nga Viktor Gyökeres, zbulimi suedez për Sportingun (11 gola në fazën e parë), i cili në verë e mori nga Coventry City, një klub me të cilin Gyökeres i ishte afruar ngjitjes në Premier League.
Evan Ferguson, talenti 19-vjeçar nga Brighton, i cili shënoi gjashtë gola. Pulëbardhat, rivalët e drejtpërdrejtë të Chelseat në kampionat për zonën e Europës në renditje, e kanë blinduar atë me një kontratë deri në vitin 2029.
Së fundi, në Stamford Bridge pëlqehet edhe Victor Boniface i Bayer Leverkusen, kryesues i Bundesligas, por ky do të ishte një investim në perspektivë, pasi nigeriani ka pësuar një dëmtim që e ka detyruar të heqë dorë nga Kupa e Afrikës dhe do ta detyrojë atë të bëjë një operacion dhe të mungojë nga fusha për të paktën tre muaj.
