Në Kosovë nuk është më vetëm Ballkani që mbush arkat për shitjet e bujshme që bën.
Tashmë ekipi i Dritës vazhdon dhe ndjek hapat e ekipit nga Suhareka përsa i përket shitjeve dhe fitimeve.
Burime të sigurta pranë klubit të Dritës bëjnë me dije për “Newsport” se mesfushori ofensiv, Muharrem Jashari dhe qendërmbrojtësi, Hajdin Salihu do të largohen nga Drita, teksa pritet vetëm zyrtarizimi.
Këta dy lojtarë do të mbyllin aventurën në Kosovë, për të nisur një të re në Ukraine te ekipi i LZN Cherkasy.
Klubi ukrainas do të paguajë rreth 400 mijë euro për të siguruar shërbimet e dy futbollistëve. Një shumë e konsiderueshme e cila mbush arkat e Dritës.
