Mesfushori i Real Madridit, Toni Kroos, ka ofruar vlerësimin e tij të sinqertë për penalltinë e Antonio Rudiger gjatë ndeshjes së kthimit në çerekfinalet e Champions League kundër Manchester Cityt.
Rudiger ishte heroi i papritur për Los Blancos, duke shënuar penalltinë vendimtare që e çoi ekipin e tij në gjysmëfinalet e kompeticionit kryesor europian për klube.
Pavarësisht se ishte pjesërisht fajtor për golin e barazimit të Manchester City, qendërmbrojtësi gjerman pati një shans për të siguruar fitoren në kohën shtesë, por gaboi një metër larg portës.
Megjithatë, ai e rimori veten duke shënuar me qetësi penalltinë vendimtare, duke i çuar gjigantët spanjollë drejt një fitoreje 4-3 nga pika e bardhë pasi ndeshja përfundoi 1-1.
Interesant është fakti se 31-vjeçari nuk njihet për aftësitë e tij nga pika e bardhë, gjë që befasoi shumë njerëz, përfshirë bashkëkombësin dhe shokun e skuadrës Toni Kroos.
Mesfushori me përvojë pranoi se nuk e kishte pritur që Rudiger ta transformonte penalltinë në gol.
“Këshilla për Rudiger? Ai është i vetmi që nuk i besova për të ekzekutuar një penallti”, tha Kroos duke qeshur për MadridXtra.
