Besa Famgas e ka mposhtur Rahovecin në kuadër të Superligës A të Kosovës në hendboll.
Pasi të mërkurën e mposhti në kuadër të çerekfinales së Kupës, Besa Famgas të premten mbrëma fitoi ndaj Rahovecit me rezultatin 39:24.
Plot 14 lojtarë të ekipit pejan shënuan gola në ndeshjen që e hapi javën e 22-të të Superligës A. Kastriot Jupa e Jon Muqolli i realizuan nga 5 gola.
Te Rahoveci më efikasi ishte Adonit Isufi me gjashtë gola. Realizatorë ishin gjithsej dhjetë lojtarë të Rahovecit.
Besa Famgas ka vetëm fitore dhe udhëheq në tabelë me 44 pikë. Rahoveci është i treti me 28 pikë.
