Tek Ujëvarët e Drinit të bardhë
Ç'më pushtoj një ëndërr e bukur
Aty me Agim Deskun
Shaluam dy gjoga të bardhë
Nën shkëlqimin e Yllit të Davidit
Soditëm qiellin e Ballkanit
Të dielën zbritëm në Athinë
Me Homerin zbathur
Midis dy fenerëve u rrokëm
Mbi re na futi në gji
Hyjnesha Tanagra
Kur rrahjet e zemrës se saj
Filluan të ritmojnë shqip
Shumë shekuj para Krishtit
U rikthyem në Rozafë
Me shalat e kuajve të djersitur
Nga rrugët tona të gjata
E kuajt tonë u ngrinë
Aty kurrë nuk do të këtë ma murosje
Puno ditën e prish natën
Jo ma kurrë
Unë dhe Agim Desku
Bëhemi fli nên atë urë.
