Prokuroria Themelore Publike Prilep ka iniciuar procedurë kundër një personi i cili dyshohet se ka kryer veprat penale “ngacmim seksual” nga neni 190-a, “rrezikim i sigurisë” nga neni 144 paragrafi 5 dhe “përndjekje” nga neni 144-a paragrafi 1. të Kodit Penal.
“Gjatë muajit nëntor, i dyshuari ka ngarkuar vazhdimisht mesazhe dhe transmetime të drejtpërdrejta në profilin e tij në Facebook, duke kërcënuar se do të sulmojë jetën e prokurores publike themelore të Prokurorisë Publike Prilep dhe anëtarëve të familjes së saj të ngushtë. Synimi i tij ishte ta shqetësonte dhe frikësonte atë, bazuar në gjininë, statusin personal, familjar dhe shoqëror të të dëmtuarës si prokuror publik. Në postime i dyshuari ka përdorur fotografi private dhe familjare të viktimës pa autorizim.
Ai përmes rrjeteve sociale i ka dërguar drejtpërdrejt mesazhe me përmbajtje shqetësuese vajzës së prokurorit publik duke i shkaktuar shqetësim, bezdi dhe frikë. I dyshuari është person i dënuar më parë për veprën penale – Rrezikim i sigurisë dhe kundër tij në periudhën e fundit janë ngritur edhe disa kallëzime të tjera penale, gjë që tregon rrezikun që ai të përsërisë krimet e tilla”, thuhet në njoftimin e sotëm të Prokurorisë Publike.
Për shkak të kësaj, si dhe për faktin se ekzistojnë rrethana që tregojnë rrezikun që i dyshuari të ikë nëse mbrohet nga liria, prokurori publik i ka dorëzuar gjyqtarit të procedurës paraprake nga Gjykata Themelore në Prilep propozim për përcaktimin e masën e paraburgimit. Propozimi u pranua dhe Gjykata vendosi ta caktojë në paraburgim tetë ditë. /
