Deputetja e VV-së nga Mitrovica, Arjeta Fejza, ka vizituar fshatrat shqiptare të veriut që u rrezikuan nga zjarri.
Në Koshtovë e Cerajë, deputetja Fejza ka takuar fshatarët që u shqetësuan ditët e fundit.
Ajo ka thënë që do t'ju qëndrojë sa më afër banorëve të kësaj zone.
Postimi i plotë:
Malet e Koshtovës së Vllahisë qenë të prekura nga një shpërthim i madh i zjarrit që ka shkaktuar dëme të mëdha ndaj mjedisit. Duke qenë nën kontakt të vazhdueshëm me Shtabin Emergjent të Ministrisë së Punëve të Brendshme, dhe banorët kam qenë e njoftuar me të gjitha zhvillimet në këtë zonë.
Në mëngjesin e hershëm të kësaj dite shkova ta shikoj për së afërmi vendin e ngjarjes. Organet përgjegjëse bashkë me Kforin Amerikan e kanë kryer me sukses detyrën e tyre për ta lokalizuar zjarrin e për ta vënë nën kontroll situatën.
Ne do të jemi të pranishëm gjatë gjithë kohës me banorët në këto zona.
