Frika, se në listat e deputetëve mund të përfshihen, njerëz të inkriminuar dhe të korruptuar, ka çuar në reagimin e shoqërisë civile, e cila ka paralajmëruar qytetarët, që të mos votojnë kandidatët e inkriminuar.
Në Shqipëri një gjë e tillë, po tentohet të arrihet nëpërmjet vetingut, ndërsa në Kosovë, ende nuk ka ndonjë nismë të kësaj natyre. Mos verifikimi i të kaluarës të kandidatëve, apo thënë ndryshe lidhja e tyre me botën e krimit, po e mban Kosovën të izoluar dhe larg strukturave evropiane.
Historia zgjedhore në Kosovë, ka qenë e tillë, ku “të fortët”, kryesisht ata që i atribuojnë vetes meritat e luftës, janë (vetë) përzgjedhur në listat e deputetëve, për t’u bërë më pas dhe pjesë e institucioneve të tjera shtetërore.
Që historia të mos përsëritet dhe njerëzit e tillë, të mos kalojnë pa iu hyrë gjemb në këmbë, nevojitet reagimi i mbarë shoqërisë, për të vendosur se në duar të kujt do ta dorëzojë pushtetin. Kështu, për të çkapur Kosovën nga duart e tyre, 11 qershori do të jetë dita e testit qytetarë.
(Tekstin e plotë mund ta lexoni të Premten në publikimin e shtypur të gazetës kombëtare “Bota sot”)
