Kanë vazhduar edhe sot largimet nga Lëvizja Vetëvendosje. Sipas burimeve të mediave, e fundit që ka dhënë dorëheqje nga të gjitha pozitat në kryesinë e VV-së, është deputetja Donika Kadaj-Bujupi.
Dorëheqja e saj vije pasi ajo nuk kishte marrë pjesë as në tubimin e Vetëvendosjes që u mbajt ditë më parë në Prishtinë, ku kandidati për kryetar i kësaj Lëvizje, prezantoi platformën e tij, ndonëse në fillim ishte menduar se ajo ishte rreshtuar në anën e këtij të fundit, pas përçarjeve të fundit.
Ndërkohë në Lëvizjen Vetëvendosje, janë shprehur të painformuar në lidhje me dorëheqjen e Kadaj-Bujupit.
I pyetur nga gazeta “Bota sot”, zëdhënësi i VV-së Shkodran Hoti, ka thënë se nuk ka informata për dorëheqjen e deputetes Kadaj-Bujupi.
“Nuk e kam këtë informatë. Nuk jam i informuar për një gjë të tillë”, është shprehur shkurt Hoti.
Dorëheqja e Kadaj-Bujupit, vije pas dorëheqjeve të njëpasnjëshme të anëtarëve tjerë si kryetarit Visar Ymeri, Dardan Sejdiut, Dardan Molliqajt, Frashër Krasniqit, Driton Çaushit, Qendron Kastratit, etj.
