Eksperti i sigurisë, Fadil Kajtazi tregon arsyet pse nuk esklaoi situata në veri të vendit, pas arrestimit të zyrtarit serb, Marko Gjuriq nga ana e Policisë së Kosovës ka
“Nuk ka mundësi të eskalimit të situatës, sepse ka humbur përkrahja e popullatës serbe ndaj politikave të Beogradit. Qytetarët lokal atje po e shohin që kur ka filluar kriza e Kosovës në vitin 1987, serbët e Kosovës janë shfrytëzuar nga politika e Beogradit, vetëm për përfitime personale të grupeve të caktuara”, thotë Kajtazi për “Bota sot”.
Sipas tij, kjo punë u pa edhe me vrasjen e Oliver Ivanoviqit ku serbët e Kosovës përfundimisht iu shmangen politikave zyrtare të Beogradit.
Sa i përket lajmit për bllokim të magjistrales Prishtinë-Mitrovicë, ai thotë se kjo mund të bëhet nga grupe të vogla lokale.
“Këto barrikadat dhe bllokimi i rrugës, pengimi i institucioneve të Kosovës nuk janë masive sikurse që kanë qenë përpara. Shërbimet sekrete serbe manipulojnë grupe të vogla po nuk do të arrijnë që t’i masivizojnë ata”, shtoi Kajtazi.
Ndryshe, Policia e Kosovës dje ka arrestuar Marko Gjuriqin pasi që ai ka hyrë ilegalisht në territorin e Kosovës.
