Rreth 1000 aksidente rrugore janë regjistruar vetëm në 7 muajt e parë të vitit. Në shërbimin e traumës në kryeqytet, urgjencat me të aksidentuar janë të shumta.
Në një intervistë për Euronews Albania, kirurgu ortoped Ilir Hasmuça shprehet se numri i urgjencave në muajt e verës ka ardhur në rritje.
Shumica e të aksidentuarve janë moshat e reja, ndërsa dëmtimet janë të shumëfishta deri në fatalitet.
Krahas aksidenteve rrugore, në stinën e verës shtohen edhe lëndimet gjatë ushtrimit të sporteve ujore, ku shumica e pacientëve janë adoleshentë ose të rinj.
Mjekët ortopedë apelojnë për kujdes të shtuar në këto muaj nga përdoruesit e rrugës në mënyrë që të ketë sa më pak aksidente.
