Përgjatë natës dhe orëve të para të ditës së sotme rajoni i Gjirokastrës është përfshirë nga moti i keq dhe reshje intensive shiu.
Stuhia e shoqëruar me erë të fortë dhe shkarkesa rrufesh ka nisur gjatë mesnatës për të vazhduar edhe orët e para të ditës së shtunë.
Si shkak i motit të keq janë rrëzuar disa pemë në rrethinat e qytetit ndërkohë që nuk raportohet për dëme te tjera.
Në mëngjes intensiteti i reshjeve të shiut ka rënë ndërkohë që moti i keq vazhdon të shoqërohet nga vranësira.
Përpara disa ditësh reshje imtësive që përfshinë rajonin e Gjirokastrës shkaktuan problematika për banorët.
