Në Shqipëri po vidhen paratë në mënyrë kriminale, u shpreh kreu i Partisë së Lirisë, Ilir Meta, gjatë mbledhjes së Kryesisë dhe Komisionit të Organizimit të kësaj partie.
Meta theksoi se shqiptarët e kanë për detyrë që të shpëtojnë kombin shqiptar nga Rilindja, duke shtuar se Rilindja kërkon të zhbëjë familjen.
“Prioritet i Partisë së Lirisë mbeten pensionistët. Projekti i Rilindjes është që Shqipëria në të ardhmen të ketë 1 milionë banorë.
Ne synojmë që brenda 2030 në Shqipëri të jenë 4 milionë shqiptarë rezident. Të shpëtojmë kombin shqiptar nga Rilindja, që synon të zhbëjë familjen.
Na duhet të rithemelohemi si Partia e Lirisë për 10 vitet që vijnë e për 20 vitet që vijnë. Paratë sot në Shqipëri vidhen në mënyrë kriminale.
Do të thërrasim shpejt Konventën e partisë, për ta pozicionuar qartë partinë e Lirisë me politikat e saj patriotike për të ardhmen”, u shpreh Meta.
