Një autobus është përfshirë nga flakët orët e para të mëngjesit të sotëm në kryeqytet. Sipas informacioneve paraprake, mësohet se autobusi që ka marrë flakë, është me targa AA 588 AE, i linjës Tiranë-Kukës.
Ai është përfshirë nga flakët në mes të rrugës “Dritan Hoxha”, Laprakë, pranë rreth-rrotullimit “Shqiponja”.
Fatmirësisht nuk ka pasoja në njerëz nga ky incident, ndërsa ende nuk dihet shkaku i zjarrit.
Autobusi ka marrë flakë rreth orës 07:15 dhe në vendngjarje ka shkuar menjëherë policia.