Asambleja e KOKSH, dekorohet ish-basketbollisti i Partizanit dhe Presidenti i Atletikës
Komiteti Olimpik Kombëtar Shqiptar (KOKSH) zhvillon Asamblenë e 27-të të Përgjithshme Zgjedhore, teksa në praninë e presidentit të KOKSH, Fidel Ylli janë dekoruar ish-basketbollisti i Partizanit dhe ekipit kombëtar, Gazment Çaçi dhe ish-atleti e tashmë Presidenti i Federatës Shqiptare të Atletikës, Gjergj Ruli.
Ishte atletja Luiza Gega ajo e cila ishte pjesë ceremonisë dhe i dorëzoi dekoratën Gjergj Rulit.
Teksa kujtojmë se ka qenë një vit i mbarë për atletikën shqiptare, pikërisht falë suksesit të Gegës që u shpall Kampione e Europës në garën e 3.000 metrave me pengesa të zhvilluar më datë 20 gusht në Munich të Gjermanisë.
