Kryetari i Aleancës për Ardhmërinë e Kosovës, Ramush Haradinaj, është ftuar në inaugurimin e presidentit të zgjedhur të SHBA-së, Donald Trump.
Këtë e ka konfirmuar për gazetën Bota sot, anëtari i kryesisë së AAK-së, Muharrem Nitaj.
“Ftesën e ka marrë nga Shtëpia e Bardhë, ndërsa që nuk ka konfirmuar ende pjesëmarrjen, por besoj se do të merr pjesë”, ka thënë Nitaj për Bota sot.
Ceremonia e inaugurimit të Donald Trump, i cili është presidenti i 45-të i SHBA-ve, do të mbahet më 20 janar në Shtëpinë e Bardhë./BS/