Reshitaj merr përkrahje nga Avokati i Popullit për zgjidhjen e problemeve mjedisore - Bota Sot
Reshitaj merr përkrahje nga Avokati i Popullit për zgjidhjen e problemeve mjedisore

Aktuale

E martë, 19 qershor 2018

Reshitaj merr përkrahje nga Avokati i Popullit për zgjidhjen e problemeve mjedisore

Më: 13 qershor 2018 Në ora: 14:32
Ministrja e Mjedisit dhe Planifikimit Hapësinor Albena Reshitaj priti sot në takim Avokatin e Popullit Hilmi Jashari

Ministrja e Mjedisit dhe Planifikimit Hapësinor Albena Reshitaj priti sot në takim Avokatin e Popullit Hilmi Jashari, me të cilin diskutuan për thellimin e bashkëpunimit mes dy institucioneve.

Ministrja Reshitaj e njoftoi avokatin e popullit me projektet dhe veprimet e saj në përmirësimin e gjendjes se mjedisit, duke vlerësuar se duke mbajtur mjedisin e pastër, duke luftuar ndotjen e ujit, tokës e ajrit ne mbrojmë të drejtat elementare te të drejtave të njeriut.

Sipas kumtesës për media dërguar nga kjo ministri, avokati  Jashari vlerësoi përkushtimin e ministres në përmirësimin e gjendjes së mjedisit dhe theksoi rëndësinë e ndërgjegjësimit të qytetareve mbi rëndësinë që ka një mjedis i pastër,.

Ai më tej ofroi përkrahjen e pa rezervë për ministren Reshitaj në reduktimin e ndotjes së ajrit, tokës, burimeve ujore, liqeneve si dhe në zbatimin e kornizës ligjore që lidhet me mjedisin si hap shumë i rëndësishëm dhe i domosdoshëm për arritjen e progresit në fushën e mjedisit.

Sot mund të lexoni Shfletoni kopertinat
Sondazh
test