Sot gjatë ditës deputeti i Lëvizjes Vetëvendosje, Liburn Aliu, drejtuesi i Komitetit për Industri, Nazmi Mikullovci dhe këshilltari për çështje ligjore, Blerim Sallahu, vizituan në ambientet ku po mbajnë grevën e përgjithshme punëtorët e Trepçës në Stantërg.
Siç njofon LVV, deputeti Aliu midis të tjerave u tha punëtorëve grevistë se ne pajtohemi me kërkesat e tyre dhe gjithashtu nuk pajtohemi me Ligjin aktual për Trepçën as me projektstatutin e miratuar nga Qeveria.
“Ne e përkrahim kërkesën e sindikatës që të ndryshohet Ligji për Trepçën dhe të hartohet statuti i ri duke përfshirë një nga një, kërkesat e punëtorëve.
Lëvizja Vetëvendosje! ka mbajtur një sërë aktivitetesh lidhur më këtë çështje dhe do të vijojë intensivisht ta adresojë këtë çështje themelore për ekonominë e vendit tonë dhe për punëtorët”, thuhet në njoftimin e LVV-së.
