Xhiro e 30-të në elitën e futbollit kosovar startoi ditën e shtunë, kur Drenica – Feronikeli luajtën baras 1-1 derisa Arbëria mposhti Besën 2-1.
Ndërkohë gjatë ditës së sotme në program janë për tu zhvilluar tri super sfida në futbollin tonë.
Dy skuadrat e mëdha kosovare, Drita dhe Prishtina takohen në stadiumin e qytetit në Gjilan, në një sfidë titulli.
Interesant pritet të jetë edhe në Suharekë, ku Ballkani pret Gjilanin e Ismet Munishit që udhëton për të shkaktuar befasi.
Dueli tjetër i ditës së sotme ka rëndësi pikët e mbijetesës, ku zhvillohet në stadiumin ‘Zahir Pajaziti’ në Podujevë mes Llapit dhe Trepçës ’89.
Drita – Prishtina
Formacionet zyrtare:
Drita: Maloku, Limani, Arago, Cuculi, Blakqori, B.Shabani, Namani, Vucaj, Haxhimusa, Xh.Shabani, Fazliu. Kryetrajner: Ardian Nuhiu
Prishtina: Nika, B.Krasniqi, Dellova, Bekteshi, Mici, Boshnjaku, Lilaj, E.Krasniqi, Abazi, Mankenda, Kryeziu. Kryetrajner: Zekirija Ramadani.
