Kombëtarja e Shqipërisë ka para vetes dy ballafaqime sa të rëndësishme, po aq edhe të vështira në kualifikueset e Kupës së Botës 2022.
Shqipëria do të luajë të shtunën ndaj Hungarisë në ‘Puskas Arena’ me fillim nga ora 20:45, kurse tre ditë më pas rikthehet të luajë në ‘Air Albania’ në Tiranë ndaj Polonisë, poashtu nga ora 20:45, para mijëra tifozëve që po presin me padurim ballafaqimin e lojtarëve të Eduardo Rejas.
Pikërisht për ndeshjen ndaj Polonisë pritet të jetë një atmosferë e jashtëzakonshme në stadiumin “Air Albania”.
Tashmë janë shitur të gjitha biletat dhe pikat e shitjes në mbarë vendin nuk kanë të tilla në shitje më.
Tifo-grupe nga të gjitha trojet shqiptare do të jenë të pranishme në stadium, atje ku pritet të ketë edhe befasi të mëdha nga ana e tyre në tribuna.
