Voska Sport shënoi fitore në udhëtim tek Arsimi 1973 në Çegran të Gostivarit. Vendasit u ankuan për vendimin e arbitrit për një penallti, e cila mysafirëve u solli tre pikë të rëndësishme.
Skuadra e Berat Imerit ka mbajtur hapin me kryesuesit. Trajneri i Ohrit pas ndeshjes me Arsimin tha:
“Fitore shumë e rëndësishme që erdhi pas një mini krize në të cilën kaluam. Mendoj se djemtë dhanë maksimumin në një terren shumë të vështirë për lojë dhe për këtë e përgëzoj ekipin.
Tani duhet të shohim përpara, kemi edhe 3 ndeshje të vështira deri në gjysëm sezon, ajo e radhës gjithmonë na intereson më së shumti”.
Në xhiron e ardhshme Voska Sport do të luajë derbin e qytetit kundër ekipit të Ohridit.