Viti i ri nuk po shkon ende mirë për PSG, të cilët kanë humbur tre dhe kanë barazuar një nga shtatë ndeshjet e ligës në vitin 2023, si dhe është eliminuar nga Kupa e Francës.
Pranë kanë përplasjen në Champions League kudnër Bayern Munich, me Mbappe dhe Messi të dëmtuar të cilët janë në dyshim për këtë sfidë tepër të rëndësishme.
Pengesa e fundit erdhi në Monaco, ku u mposhtën me rezultatin 3-1.
Sipas “L’Equipe”, ka pasur një diskutim të ashpër mes disa anëtarëve të skuadrës dhe drejtorit sportiv Luis Campos, i cili qortoi lojtarët për mungesën e agresivitetit, ndër të tjera.
Kjo nuk u pëlqeu të gjithëve, veçanërisht dyeshes braziliane Marquinhos dhe Neymar, për të cilët problemi i PSG-së nuk ishte agresioni.
Mesa thuhet të dy palët kanë shkëmbyer fjalë të nxehta në portugalisht, gjuha amtare e tyre.
Ky debat befasoi të tjerët pasi ishte shumë i ashpër.
Neymar kishte dalë i zemëruar nga fusha, ku u pa duke bërë gjeste dhe duke sharë në faza të caktuara të ndeshjes.
Ai madje përdori fjalë kritike ndaj disa prej shokëve të tij, ku më i prekuri ishte sulmuesi i ri Hugo Ekitike.
PSG përballet me një provë të vështirë të martën kundër Bayernit, dhe jo në kohën më të mirë.
Tensionet në dhomën e zhveshjes, dyshimet për formën dhe dëmtimet e dy lojtarëve të tyre kryesorë nuk po ndihmojnë.
Finalja e parë e madhe e sezonit për parizienët është tashmë në Champions.
