Në ndeshjen e parë të 1/16-tës së Champions League, lojtarët e Bayernit festuan në “Parkun e Princave” ndaj PSG-së me rezultat minimal 1:0.
Bavarezët u rikthyen me fitore në Munih, por kur u kthyen në shtëpi, lojtarët e Bayernit patën disa probleme të paparashikuara.
"Bild" gjerman shkruan se në fluturimin e kthimit nga Parisi në Mynih ka ndodhur një kaos, pasi ka pasur një dështim teknologjik në Lufthansa.
Për këtë arsye janë anuluar fluturime të shumta, gjë që ka prekur edhe ekipin gjerman, kështu që delegacioni i Bayernit ka pasur një vonesë prej 75 minutash.
Shqetësimi nuk përfundoi me kaq, pasi gjatë uljes në Mynih ndodhi një mosfunksionim i ri, ndaj delegacioni i kampionit gjerman nuk mundi të zbriste nga avioni për rreth 15 minuta.
Lufthansa tha se sistemet kompjuterike të imbarkimit nuk po funksiononin dhe se si rezultat të gjitha fluturimet e brendshme në Gjermani u anuluan dhe pasagjerëve iu kërkua të përdornin trenin.
Siç shkruan gazeta e lartpërmendur, për shkak të punimeve të ndërtimit në hekurudhën e Frankfurtit, u shfaqën disa probleme.
