Një nga problemet që ka pasur Barcelona në ndeshjet e fundit ka qenë mungesa e golit, si në ndeshjet e La Ligas, ashtu edhe në Ligën e Kampionëve.
Numrat e tyre kanë rënë ndjeshëm dhe kjo ka qenë një nga arsyet pse kanë ardhur humbjet ndaj Real Madridit dhe Shakhtarit.
Jo vetëm për sa i përket golave, por edhe në goditjet që kanë bërë drejt portës.
Fillim brilant
Barcelona ishte skuadra më e mirë evropiane në pesë ligat kryesore për sa i përket golave, duke marrë parasysh ato të shënuara në garat kryesore kontinentale dhe ligat e ndryshme vendase. Skuadra e Xavit kishte shënuar madje dy ndeshje radhazi nga pesë gola (Real Betisit dhe Antwerpit) dhe po shfaqej si një ekip me potencial të jashtëzakonshëm sulmues.
Nga e para në të dhjetën
Megjithatë, situata ka ndryshuar rrënjësisht në ndeshjet e fundit. Barça nuk e gjen më golin lehtë, përkundrazi e ka shumë të vështirë të shënojë dhe kjo është vënë re në numra. Nga e para në klasifikimin e sipërpërmendur, tani zë vendin e dhjetë. Në total ata kanë shënuar 30 gola në La Liga dhe Ligën e Kampionëve. Bayern Munich, është i pari me 49 gola.
Faktori Lewandowski
Një nga çelësat e kësaj rënieje është loja, por edhe lëndimi i Robert Lewandowskit. Polaku është referenca e parë sulmuese për Blaugranat. Lëndimi i tij ka ndikuar shumë në paraqitjen e skuadrës, sepse përpara lëndimit sulmuesi ishte golashënuesi më i mirë i kampionatit vendas. Pas pushimit të detyruar ai është rikthyer në skuadër, por është vënë re se i mungon ritmi.
Rënia e përgjithshme
Një nga objektivat që ka vendosur Xavi është rikuperimi i Leëandoëskit. Nëse e bën këtë, skuadra do të bëjë automatikisht një hap në cilësi, sepse polaku vazhdon të jetë referenca sulmuese. Por nuk është vetëm ai. Lojtarët e tjerë si Joao Félix, i cili filloi të shënonte shumë gola, kanë ulur efektivitetin. Dhe e njëjta gjë mund të thuhet për Raphinhan, Lamine Yamalin dhe Ferran Torresin. Ndeshja e kësaj të diele është kyçe që skuadra të rikuperojë sulmuesin.
